留意: 有小小粗口成份
學生問教授一個人生哲理的問題:「教授我想問：生氣﹑憤怒﹑嬲到震同埋哭笑不得，有乜野唔同？」
教授說：「我做個實驗俾你睇，你就容易明嫁勒。」
於是他揭開電話簿，隨便搵左一個叫小明o既電話號碼，就打電話過去，電話接通，
教授按擴音鍵讓學生聽清楚．．．．．．
教授：「請問梁朝偉係度嘛？」
小明：「你打錯喇！」
教授：「唔好扮野啦！梁朝偉係度嘛？」
小明：「都話你打錯咯！」說著就把電話掛了。
之後，教授即刻又打電話過去．．．．．．
教授：「請問梁朝偉係度嘛？」
小明：「＠＠，痴線嫁！」又把電話掛了。
教授馬上又撥左一次．．．．．．
教授：「請問梁朝偉係度嘛？」
小明：「你到底係邊個？唔好咁無聊啦！」
教授：「我係劉德華，我要搵梁朝偉．．．．．．」
小明：「白痴架！你係劉德華咁我咪係成龍！我XYZ你個上中下！」說完，就又掛了。
教授告訴學生：「呢Ｄ就係生氣喇！跟住，俾你睇下乜野叫憤怒啦！」
教授又撥一通電話過去．．．．．．
教授：「請問梁朝偉係度嘛？」
小明：「你係咪五行欠打呀？要搵梁朝偉打去中國星啦！！＠＠丫，你有種就再打黎啊喇！」
說完就更用力地甩上電話。
教授告訴學生：「呢Ｄ就係憤怒。跟住，俾你睇下乜野叫嬲到震！」
接著，教授又撥了一通電話，這次隔了一段時間才有人接，電話一接通．．．．．．
小明：「頂你個肺啊！ｂ＠＠．．．．．．」正當他破口大罵的同時．．．．．．
教授：「請問，你係咪小明啊？」
小明：「喔！真係對唔住，因為頭先有人整古我，我唔係特登要鬧你．．．．．．」
教授：「唔緊要，請問梁朝偉係度嘛？」
小明：「哇！你個仆．．．．．．」這次未等小明鬧完，教授就把電話掛了。
教授告訴學生：「呢Ｄ就係嬲到震，你明未？」
學生答：「我完全明白晒喇！」
學生點點頭：「不過．．．．．．乜野係哭笑不得呢？」
教授笑了笑，又打左同一個號碼，對方快速接起電話．．．．．．
小明：「喂！！！你個傻子係咪想玩野呀？」
教授：「我係梁朝偉，請問頭先有冇電話搵我啊？」
（完）
P.S 好笑就笑笑啦, 人都開心返D;-)
留言列表
